Efektivi i Forcave të Ndërhyrjes së Shpejtë në Shkodër, Ardian Kodra, 50 vjeç, humbi jetën sot në krye të detyrës. Ai u qëllua nga një person i armatosur që terrorizonte fshatin Torrovicë të Lezhës.
Policia e Lezhës kishte thirrur në ndihmë FNSH e Shkodrës për neutralizimin e personit të rrezikshëm, që dyshohet se është me probleme mendore. Në aksionin për arrestimin e tij, efektivi mbeti i plagosur rëndë dhe ndërroi jetë disa minuta më pas në spitalin e Lezhës.
***
Fillimisht kanë qenë banorët e zonës që kanë njoftuar se David Qosje po qëllonte me armë zjarri në ajër. Policia dhe Forcat e Ndërhyrjes së Shpejtë kanë ndërhyrë për ta neutralizuar.
Por ai është mbyllur në banesën e tij dhe ka qëlluar me breshëri në drejtim të policisë. Plumbat kanë goditur fatalisht një efektiv të FNSH-së, i cili ka mbetur i plagosur në gjendje të rëndë dhe më pas ndërroi jetë në spital.
David Qosje, njihet në zonë si person me probleme mendore , por nuk ka asgjë të vërtetuar me dokumente nga spitali. Forcat të shumta policie kanë bërë rrethimin e banesës së tij dhe po mundohen që ta arrestojnë. /Opinion.al
