Ledina Celo jeton prej vitesh në Gjermani me bashkëshortin e saj, Naimin dhe dy vogëlushet simpatik, Erlis dhe Perianna. Por me tu kthyer në atdhe vëmendja mediatike ndaj saj është gjithnjë shumë e madhe. Këngëtarja seksi e pas viteve ’90, duket se nuk e ka humbur shkëlqimin, ndonëse është bërë nënë e dy fëmijëve. Mediat online këtë herë kanë rendur ti marrin intervista, për të mësuar më shumë rreth jetës së saj private në Gjermani, familjes, planeve artistike, etj. Revista “Who” dhe “Class”, kanë nxjerrë online kopertinat për këtë javë dhe në qendër të tyre është pikërisht biondja sharmante, Ledina Celo.
Who na sjellë edhe njëherë në memorie Ledinën provokuese dhe sensuale që jemi mësuar të shohim gjithnjë, (ndonëse nuk mungojnë në brendësi fotot me fëmijet dhe pyetjet rreth familjes), ndërsa në Class shohim një Ledinë shumë familjare që pjesën më të madhe të kohës e kalon me fëmijët e saj.
