Ish-Sekretari i Përgjithshëm të MAS, Plarent Ndreca i është kundërpërgjigjur akuzave të fortë të ministres teknike të Arsimit, Mirela Karabina, ku kjo e fundit theksoi se ai kishte ndërhyrë në Protokoll dhe ka marrë Serverat. Në një deklaratë për mediat, Ndrecës pohon se arsyet e konfliktit mes tij dhe ministres teknike janë pikërisht se Karabina nuk ka të drejtë ligjore të emërojë dhe shkarkojë pa prova punonjës të Ministrisë. Ndreca i ka sjellë si dokument edhe shkresën e Ministrisë së Financave që shkarkimi i tij nuk është kërkuar nga MAS.
Ditën e sotme, ministrja Karabina u ka bërë thirrje institucioneve dhe strukturave shtetërore të ndërhyjnë, pasi sipas saj ish-sekretari i përgjithshëm në Ministrinë e Arsimit dhe Sportit, i pezulluar pak kohë më për dyshime në përfshirjen e tij në dëm të Maturës Shtetërore po ushtron presion ndaj administratës. Sipas deklaratës së ministres, Ndreca ka nënshkruar kontrata shërbimi dhe korrespondencë zyrtare pas aktit te pezullimit në kundërshtim flagrant me dispozitat ligjore. Gjithashtu thuhet se Ndreca i shoqëruar nga persona të armatosur ka ndërhyrë në Protokollin e Institucionit dhe ka marrë administrim e Serverave. Ministrja teknike e Arsimit dhe Sportit e propozuar nga PD, Mirela Karabina u ka bërë thirrje institucioneve dhe strukturave shtetërore të ndërhyjnë, pasi sipas saj ish-sekretari i përgjithshëm në Ministrinë e Arsimit dhe Sportit, Plarent Ndreca i pezulluar pak kohë më për dyshime në përfshirjen e tij në dëm të Maturës Shtetërore po ushtron presion ndaj administratës.
Sipas deklaratës së ministres, Ndreca ka nënshkruar kontrata shërbimi dhe korrespondencë zyrtare pas aktit te pezullimit në kundërshtim flagrant me dispozitat ligjore. Gjithashtu thuhet se Ndreca i shoqëruar nga persona të armatosur ka ndërhyrë në Protokollin e Institucionit dhe ka marrë administrim e Serverave.
NJOFTIMI I NDRECES
I detyruar, më duhet të bej përpara Jush sqarimin e mëposhtëm. Të gjitha deklaratat publike, sa të papërgjegjshme po aq edhe qesharake, të lëshuara nga Ministrja e Arsimit dhe Sportit, në cënim të rëndë të integritetit tim njerëzor, por dhe si nëpunës civil, janë një shprehje e qarte e faktit se si, kjo ministre ka ushtruar detyrën e saj funksionale gjatë muajit të fundit. Etika profesionale, ligji por edhe detyra, më kanë ndaluar deri tani, që të përgjigjem në të njëjtën mënyrë, me deklarata publike, ndaj të pavërtetave të thëna e stërthëna publikisht nga Ministrja e Arsimit dhe Sportit. Kam zgjedhur rrugën institucionale për të adresuar çdo shkelje ligjore të kryer nga ana e Ministres se Arsimit dhe Sportit, duke mbajtur jo pak kosto personale dhe institucionale, vetëm e vetëm për të ruajtur dhe mos denigruar imazhin e institucionit më të lartë të arsimit në vend. Por, në kushtet e një sulmi të hapur dhe të paprecedent, që drejtuesi i institucionit, ju ka shpallur nëpunësve civil të këtij institucioni dhe posaçërisht nëpunësit më të lartë civil të tij, jam i detyruar që gjithë të vërtetat mbi paligjshmëritë e veprimtarisë së Ministrisë së Arsimit dhe Sportit ti shpreh edhe publikisht. (Bashkëlidhur keni shkresën që i kam drejtuar Kryeministrit të Shqipërisë për shkeljet e Znj. Mirela Karabina).
Edhe deklarata e sotme për shtyp e Ministres së Arsimit dhe Sportit, Mirela Karabina është jo vetëm një shfaqje teatrore e turpshme, por një e pavërtetë tjetër në vazhdën e të pavërtetave që Ministrja e Arsimit dhe Sportit ka zgjedhur të publikojë. Sekretari i Përgjithshëm i Ministrisë së Arsimit dhe Sportit është në detyrë dhe kjo ndodh jo për shkak të dëshirës së Ministrit të Arsimit dhe Sportit, por për shkak se jam i detyruar nga Kushtetuta dhe Ligji. Ka një muaj që të gjithë institucionet shtetërore (Komisioni për Mbikëqyrjen e Shërbimit Civil, Departamenti i Administratës Publike) që merren me mbikëqyrjen dhe administrimin e shërbimit civil, me vendime të prera, i kanë bërë të qartë ministres, se ajo nuk është kompetente për pezullimin apo largimin e nëpunësve civil të ministrisë qe ajo drejton. Por ministrja me kokëfortësi irracionale, në shkelje flagrante të këtyre vendimeve, vijon të njëjtin qëndrim. Së fundmi ka reaguar edhe Ministria e Financave. (Bashkëlidhur gjeni shkresën). Qëndrim ky, i cili ka sjellë probleme të rënda në funksionimin normal të institucionit të Ministrisë së Arsimit dhe Sportit. Ministria e Arsimit dhe e Sportit nuk është pronë as e Mirela Karabinës dhe as e Plarent Ndrecës, por e qytetarëve të Republikës së Shqipërisë, të cilët na paguajnë për të zbatuar ligjin dhe vetëm ligjin dhe jo për t’u sjellë si pronarë apo monark feudal në tempullin e arsimit shqiptar. Unë do vijojë detyrën me vendosmëri të palëkundur për të zbatuar ligjin, pavarësisht vështirësive, pengesave dhe stërkëmbëshave që Ministrja e Arsimit dhe Sportit ka realizuar ndaj meje personalisht, por edhe ndaj stafit civil në krye të të cilit unë jam, si një përgjegjësi funksionale që kam ndaj qytetarëve të Shqipërisë dhe jo ndaj tekave të kujtdo qoftë ai.
