Policia italiane ka arrestuar një nga përgjegjësit e shkëmbimit me armë zjarri që ndodhi disa ditë më parë në Rozzano të Milanos.
Ai është një shqiptar ende i paindetifikuar.
Ngjarja ndodhi me 6 tetor në orën 22.30, ku viktimë e dhunës mbeti një emigrant maroken.
Skenari sipas policisë është ai i luftës për administrimin e shesheve të shpërndarjes së drogës.
Fillimisht “komandoja” shqiptare e kishte rrahur marokenin që e kishin pikasur me një scooter në një bar.
Më pas ata e kishin ndjekur, kapur dhe dhunuar keqasi.
Por si të mos mjaftonte kaq, komandoja shqiptare kishte qëlluar edhe në ajër për ti paralajmëruar kundërshtarë që të mos hynin në zonën e tyre të shpërndarjes së drogës.
“27 vjeçari maroken arriti fillimist ti shpëtonte plumbave. Më pas u drejtua në rrugën Lombardia.
Këtu u kap sërish nga “komando” që e dhunoi këtë herë me shkelma, grushta dhe shkopa kokës. Në fund agresorët qëlluan me plumba në ajër ”, tha policia italiane
Policia thotë se kanë kapur një shqiptar 26 vjeçar i cili ishte me precedentë penalë. Ndërkohë që janë akoma të lirë anëtarët e tjerë të “komandos” shqiptare.
