Pas sulmeve gjatë natës në Ukrainë, ka reaguar Presidenti Zlenskyy duke paralajmëruar se Rusia mund të intensifikojë sulmet me dron të prodhuar nga Irani. Rusia vazhdon me sulmet në Ukrainë duke përfshirë dhe rajonin lindor të Donetksut.
Bëhet me dije se nga sulmet e ditës së martë Rusia ka goditur me raketa dhe artileri qytetin e Druzhkivkës në rajonin lindor të Donetskut, si dhe Kharkivin në verilindje të Ukrainës dhe Dnipropetrovskin në pjesën juglindore të vendit.
Ditën e hënë në rajonet në jug të Khersonit, që u rimorën së fundmi nga forcat ukrainase, u vranë dy njerëz dhe u plagosën nëntë të tjerë, forcat ruse e goditën 32 herë me raketa qytetin e Khersonit .
Presidenti i Ukrainës, Volodymyr Zelenskyy një ditë më parë gjatë një video fjalimi tha se qeveria e tij ka informacione se Rusia po planifikon më shumë sulme me dron.
“Kanë kaluar vetëm dy ditë nga fillimi i këtij viti dhe numri i dronëve iranianë të rrëzuar mbi Ukrainë tashmë ka arritur në mbi 80. Sulmet me dronë mund të intensifikohen gjatë këtyre javëve. Ne kemi informacione se Rusia po planifikon një sulm afatgjatë me dronë iranianë ‘Shahed’. Ata mendojnë se këto sulme do të shkaktojnë rraskapitjen e njerëzve tanë dhe mbrojtjes tonë ajrore. Por ne duhet dhe do të bëjmë gjithçka për t’u siguruar që ky qëllim i terroristëve të dështojë, si gjithë të tjerët. Sot, unë përgëzojë Komandat Ajrore të Qendrës, Jugut dhe Lindjes për mbrojtjen e suksesshme të hapësirës sonë ajrore gjatë këtyre ditëve”, tha ai.
Ndërkohë, Ukraina dhe Bashkimi Evropian do të mbajnë një takim në Kiev më 3 shkurt për të diskutuar mbështetjen financiare dhe ushtarake, tha zyra e Presidentit Volodymyr Zelensky në një deklaratë të lëshuar të hënën.
