Shefi i NATO-s, Jens Stoltenberg ka folur përpara samitit që pritet të mbahet sot.
Ai thotë se aleatët kanë ofruar mbështetje për të ndihmuar Ukrainën për t’u mbrojtur, por përsëri nënvizon se detyra kryesore e aleancës ushtarake është mbrojtja e anëtarëve të NATO-s.
Për shkak se Ukraina nuk është anëtare, aleanca nuk po dërgon trupa në vend, megjithëse po rrit praninë e saj ushtarake në vendet fqinje të NATO-s.
Stoltenberg thotë se udhëheqësit e NATO-s do të flasin sot për ” mbrojtjen e vendeve të aleancës në një afat më të gjatë”.
“Hapi i parë është krijimi i katër grupeve të reja beteje në pjesën lindore të aleancës, në Bullgari, Rumani, Hungari dhe Sllovaki,” thotë ai./Opinion.al
