Shtetet e Bashkuara u tërhoqën nga një ekip ndërkombëtar i ngarkuar me mbledhjen e provave të krimeve të mundshme të luftës ruse në Ukrainë, tha sot drejtori i institucionit që e organizon atë.
Qendra Ndërkombëtare për Ndjekjen e Krimit të Agresionit kundër Ukrainës ( ICPA ) përfshin hetues nga disa vende evropiane dhe Shtetet e Bashkuara, nën kujdesin e një organi gjyqësor të BE-së, Agjencia e BE-së për Bashkëpunim në Drejtësi Penale (Eurojust).
Presidenti i Eurojust, Michael Schmidt u tha gazetarëve në Hagë: “Disa javë më parë ( Shtetet e Bashkuara) njoftuan se për fat të keq po tërhiqeshin për shkak të një ndryshimi në prioritetet e Departamentit të Drejtësisë në SHBA.”
“Ne sigurisht na vjen keq për këtë, por në të njëjtën kohë, padyshim që ne vazhdojmë të punojmë me pjesëmarrësit” të cilët janë ende pjesë e grupit, shtoi Schmidt.
Që nga janari i këtij viti, ICPA kishte mbledhur rreth 3,700 prova nga 16 vende dhe synohet të përdoret në akuzat e mundshme për krime lufte kundër rusëve në kontekstin e luftës në Ukrainë. SHBA e mbështeti grupin financiarisht dhe duke ofruar dëshmi për bazën e të dhënave të tij. Konkretisht, ata kanë paguar një milion dollarë në nëntor 2023.
Schmidt vlerësoi se kostot financiare duhet të mbulohen nga fondet e BE-së dhe shprehu shpresën se anëtarët e tjerë kontribuues do të marrin përsipër mbledhjen e provave.
“E vërteta është se ne nuk e dimë saktësisht se çfarë do të ndodhë në të ardhmen,” pranoi Schmidt, por “qëllimi ynë është të vazhdojmë.”
