Më shumë se 50,000 ukrainas janë larguar nga vendi në më pak se 48 orë, mësohet se ka raportuar Komisioneri i Lartë i Kombeve të Bashkuara për Refugjatët, Filippo Grandi.
Ai bëri të ditur se shumica kanë shkuar në Poloni dhe Moldavi.
“Më shumë se 50,000 refugjatë ukrainas janë larguar nga vendi i tyre në më pak se 48 orë, shumica kanë shkuar në Poloni dhe Moldavi, dhe shumë të tjerë po lëvizin drejt kufijve të saj”, tha Grandi në një postim në Tëitter.
“Falënderime të përzemërta për qeveritë dhe njerëzit e vendeve që i mbajnë kufijtë e tyre të hapur dhe mirëpresin refugjatët.”
Agjencia e Kombeve të Bashkuara për refugjatët vlerësoi të enjten se dhjetëra mijëra do të zhvendosen pasi Rusia pushton Ukrainën. Agjencia po rrit operacionet dhe kapacitetin në Ukrainë dhe vendet fqinje ndërsa njerëzit vazhdojnë të ikin.
