Kreu i ushtrisë private të Rusisë Wagner ka thënë se nuk po merr municionet që i nevojiten nga Moska, pasi kërkon të marrë kontrollin e Bakhmutit.
Trupat ruse Wagner dhe forcat e rregullta ruse po përpiqen të kapin qytetin lindor të Ukrainës.
Por shefi i Wagner, Yevgeny Prigozhin është ankuar për mungesë municionesh, duke thënë se mund të jetë “burokraci e zakonshme ose një tradhti”.
Marrëdhëniet midis Wagner dhe Moskës duken gjithnjë e më të tensionuara.
Grupi Wagner ka dhjetëra mijëra trupa në Ukrainë disa të rekrutuar direkt nga burgjet ruse dhe është bërë një pjesë kyçe e pushtimit të Moskës.
Në një postim të dielën, z. Prigozhin tha se dokumentet ishin nënshkruar më 22 shkurt, me municion që pritej të dërgohej në Bakhmut të nesërmen.
Por shumica nuk ishin dërguar, tha ai, përpara se të sugjeronte se mund të ishte e qëllimshme./Opinion.al
