Presidenti i Turqisë, Erdogan në deklaratë me kryeministrin Rama tha se kanë diskutuar për luftën kundër organizatave terroriste, veçanërisht organizatës FETO.
Presidenti turk u shpreh se “shpresojmë që ta vazhdojmë luftën kundër organizatave terroriste përmes vendimeve që kemi marrë sot”.
Erdogan gjithashtu garantoi mbështetje për Forcat e Armatosura të Shqipërisë.
“Jam i nderuar që jam në vendin mik dhe vëllazëror Shqipërinë. Siç e dini vitin e kaluar ne festuam 100-vjetorin e marrëdhënieve diplomatike me Shqipërinë. Marrëdhëniet tona miqësore në fakt shtrihen përtej shekullit. Me konsultimet tona të sotme ne e thelluam partneritetin tonë strategjik, që ndërtuam në 2021 mbi këtë themel historik. Ne kemi theksuar vendosmërinë tonë për të thelluar bashkëpunimin ne fusha të ndryshme.
Ne i shohim nismat tona në fushën e tregtisë dhe investimeve si hapa që do të rrisni mirëqenien e popullit tonë. Ne do të rrisim nivelin tregtar.
Ne ramë dakord që të intensifikojmë investime të ndërsjellta. Ne do të vazhdojmë bashkëpunimin e shëndetësisë, me spitalin e miqësisë në Fier që e ndërtuam në kohë rekord.
Do ofrojmë mbështetje për Forcat e Armatosura, në fushën e pajisjeve ushtarake.
Ne diskutuam edhe luftën kundër terrorizmit në veçanti kundër FETO-s. Me mikun tim, zotin Rama. Shpresojmë që ta vazhdojmë luftën kundër organizatave terroriste përmes vendimeve që kemi marrë sot”, tha Erdgoan.
