Lufta Antifashiste/ Ja pseudonimet më të çuditshme të përdorura nga partizanët

Pseudonimet janë bërë shpesh i një reflektimi negativ apo një perceptimi të gabuar që lidhet me individin e lidhur me Sigurimin e Shtetit dhe dosjet aq shumë të përfolura gjatë regjimit komunist ku gjithsecili indentifikohej nëpëmjet një emri të koduar. Në fakt pseudonimet (nga greqishtja pseudos-gënjeshtër+onoma-emër=emër i trilluar) kanë gjetur përdorim në çdo kohë, duke pasur edhe dobishmërinë e tyre. Janë përdorur në art, në kohë paqe por edhe në kohë lufte. Sikundër janë përdorur edhe gjatë Luftës Antifashiste Nacional Çlirimtare, ku sipas të dhënave janë përdorur afërsisht 900 pseudonime, nga më thjeshtët deri te më të pamendueshmit, ku redaksia e Opinion.al ka përzgjedhur 60 prej pseudonimeve më të çuditshme të përdorura kryesisht nga partizanët. Ndërkohë që në dy materiale në vazhdim, të cilat do të ndjekin këtë shkrim do të botohen të gjitha pseudonimet që mbanin në luftë ata që më vonë do të bëheshin drejtuesit më të lartë të regjimit komunist por edhe ata që pas luftës drejtuan Sigurimin e Shtetit.

Ja disa nga historitë më të çuditshme se si u vendosën pseudonimet gjatë Luftës Antifashiste Nacional Çlirimtare.

Idajet Micolli nga Vlora mbante pseudonimin Dysheku.

Kur ishte në burg Celula e Partisë Komuniste mësoi se një nga të burgusorit do të lirohej.

Në dyshekun e të burgosurit u fut Idajet Micolli. Te dera e burgut priste një karrocë e cila mori plaçkat dhe dyshekun. Karroca e çoi Idajetin në një bazë të fshehtë dhe që nga ajo ditë pseudonimi i tij mbeti “Dysheku”

Perlat Rexhepi nga Vlora mbante Pseudonimin Xholi. sepse futej kudo, duke gjetur rrugëdalje edhe në situata të vështira…

Ja edhe pseudonimet më pikante

Dallga-Aleks Çaçi

Hundleshi-Aleks Çaçi

Qorri-Anastas Lula

Burgu-Abdul Demiri

Tigri-Ahmet Haxhia

Shtegu-Ali Demi

Harusha-Barjam Cara

Automatiku-Balil Peçi

Pilafi-Banush Goxho

Konjaku-Besim Koxhaj