Deputeti i Partisë Demokratike Luçiano Boçi, ka denoncuar një skandal me testin e letërsisë për Maturën Shtetërore. Ai ka publikuar në Facebook, fotot e testit ku deklaron se qarkullon prej 3 orësh, dhe kjo është një tallje me mundin dhe djersën e maturantëve nga Ministria e Arsimit.
“Ky është serioziteti i Ministrisë së arsimit për maturën shtetërore!
Testi i letërsise ka tre ore që ka dalë e që qarkullon.
Një skandal i paprecedentë dhe një tallje gjigande me mundin, djersën, përpjekjet e sinqerta të maturantëve e familjeve të tyre.
Përdhosje e dijes e meritës dhe e mësimdhënies.”, shkruan deputeti në Facebook.
