Analisti Fatos Lubonja, i ftuar në emisionin “Opinion” të “News24” ka folur për debatin mbi dekorimin e 67 ballistëve nga ana e Presidentit Nishani, të cilët janë ekzekutuar në vitin 1943.
Lubonja tha se ata që janë ekzekutuar janë martirë dhe nuk mund të thuhet se ishin bashkëpunëtorë të nazistëve, pasi ata ende nuk kishin ardhur.
Megjithatë, Lubonja thotë se dekorimi bëhet për njerëz më të veçantë.
“Ata ishin luftëtarë. Ngjarja ka ndodhur pas Mukjes dhe pas një beteje mes batalionit të Mehmet Shehut dhe ballistëve, u kapën rob ata persona dhe u ekzekutuan”, tha Lubonja.
“Ata janë martirë, ishin robër lufte dhe nuk duheshin ekzekutuar, mirëpo dekorimi bëhet për njerëz më të mëdhenj, më të veçantë, si Matjani për shembull”, vijon Lubonja.
