Fatos Lubonja e cilëson kërkesën që Edi Rama i bëri opozitës për bashkëpunim, si truk dhe dinakëri të kryeministrit. Lubonja deklaroi se duke e njohur Lulzim Bashën, ekziston mundësia që ai të bjerë në këtë kurth të Ramës.
“E cilësoj si demagogji, truk dhe dinakëri të Ramës dhe duke e njohur Lulzim Bashën kam frikë se mund të bjerë në të”,- u shpreh Fatos Lubonja në rubrikën “Opinion” tek “News 24”.
Lubonja komentoi me tone pesimiste idetë ekonomike të prezantuar nga Edi Rama.
“Ne i njohim premtimet e bëra të realizuara. Gjithmonë flitet për bujqësinë, për turizëm por çfarë behet në realitet. Bregdeti shfrytëzohet për vila për të pasurit. Në vend që të ruhen lumenjtë jepen leje për hec-e, sot lexova për një tjetër në lumin e Shalës”,- shtoi ai.
