Analisti Fatos Lubonja ka deklaruar të mërkurën se nuk mjafton flamuri për të treguar patriotizmin, pasi patriot është ai që kritikon veset e popullit.
Lubonja tha se këto festa janë për pushtetarët që të shkojnë në varreza, të tundin flamurët dhe t’ju tundë era flokët njësoj si Enver Hoxha.
Ai bën përgjegjës zyrtarët e lartë për shkatërrimin e kombit shqiptar dhe për të, festa e çlirimit nuk është gjë tjetër veçse një festë e komunistëve.
Sipas tij, kjo festë i shpëlan trurin njerëzve dhe nuk ka lidhje me patriotizmin, ndërsa thotë se rëndësia që i jepet 29 nëntorit është më e madhe nga ç’meriton të jetë.
“Nuk mjafton flamuri për të treguar patriotizmin. Patriot është ai që kritikon veset e popullit. Pra duken sikur janë festa për pushtetarët, të cilët shkojë tek varrezat, tundin flamurët, u tund era flokët njësoj si Enver Hoxha. Festa që të bëhet e qytetarëve mendoj se bëhet kur ndjehen dhe ata pjesë e festës dhe vendimmarrjes.
Zyrtarët e lartë janë shkatërruesit e kombit shqiptar. Që të bëhet festa duhet të ndërtohet demokracia të cilët ne mendoj se nuk e kemi. Pastaj debati ka qenë u çlirua në 28 apo në 29, nuk kanë rendësi mendoj unë, pasi ajo ishte një festë e komunistëve. Ky debat është për të politizuar shqiptarët. Datën e vendosën vetë ata, nuk është se atë ditë iku gjermani i fundit. Rëndësia që i jepet 29 është më e madhe nga ç ‘meriton të jetë. Ne shpëlajmë trutë e njerëzve me këto festa dhe nuk kanë lidhje me patriotizmin,” – u shpreh Lubonja në rubrikën “Opinion” në News 24.
