“Ndaje ose haje” është një ndër rubrikat më të sikletshme të emisionit “Shiko kush luan”. Personazhet e ftuar vendosen përballë pyetjeve të sikletshme. Ata duhet të përgjigjen ose të pinë (në rastin më të keq, të hanë gjëra aspak të ngrënshme). Luana është bërë shpesh pjesë e kësaj rubrike, por gjithmonë ka preferuar të pijë/hajë. Të njëjtën gjë ka tentuar të bëjë edhe këtë radhë, por stafi i kishte marrë masat.
Siç tregoi edhe Luana, ishte hera e parë që ajo nuk ishte në dijeni për pyetjen dhe po i rrihte zemra.
“Në asnjë program të këtij sezoni nuk ke thënë asgjë personale. Trego diçka që nuk e ke ndarë me askënd, veç me njerëzit e tu të afërt. Duhet të thuash diçka sot, me detyrim nga stafi se na plase dhe nuk do pish!”
Ky ka qenë “urdhëri” që i është dhënë moderatores. Pasi është munduar t`i shmanget, ka lexuar edhe një herë pyetjen, më në fund ka vendosur të flasë.
“Do të them një gjë nga jeta personale që nuk e kam thënë asnjëherë. Kam përshtypjen se është një gjë që mund të thithë shumë interes. Nëse unë them që në Instagram më kanë shkruajtur: Tyga, Dj Snake, Calvin Harris dhe The Game, a quhet nga jeta personale?” – është shprehur Luana.
