Edhe pse është vetë moderatorja e “Shiko Kush Luan” Luana Vjollca në rubrikën e fundit të emisionit “Ndaje ose haje” bëhet gjithmonë pjesë e saj.
E vënë në siklet nga pyetjet, por edhe nga ushqimet, bukuroshja e ekranit detyrohet ndonjëherë të përgjigjet për të mos ngrënë ushqime aspak të zakonshme.
Pyetjes tipike shqiptare se cilën nga motrat e do më shumë, Luana nuk e ka shmangur, por i ka dhënë një përgjigje.
“E para në listën e familjes së Luanës është mamaja. E dyta është Lira motra e madhe që jeton në Belgjikë, e treta Seda që jeton edhe ajo jashtë Shqipërisë, ndërsa e fundit Marina”,-është shprehur Luana.
Moderatorja e ka “justifikuar” renditjen duke thënë se dy motrat i ka larg, ndërsa Marinën e sheh përditë.
