Zv/Kryetari i Lëvizjes Socialiste për Integrim, Luan Rama, i ftuar në “Abcnews” ka folur në lidhje me marrëdhëniet e LSI dhe PD.
Rama është shprehur se marrëdhënia mes LSI dhe PD janë korrekte bashkëpunuese dhe serioze. Sipas tij, dy partitë janë në një aksion politikë kundër qeverisë Rama.
“Nuk flitet për marrëdhënie individuale. Ne jemi një front opozitar me prioritet dhe me fokus, administrimin drejtimin dhe orientimin e revoltës qytetarëve tek përmbushja e prioriteteve tona politike, kushtetuese dhe ligjore. T’i çelet rruga krijimit të një sistemi të ri kushtetues, politik dhe institucional që nuk prodhon më individë lidera, kryeministra që pasi hipin në atë karrige mendojnë se janë zot i këtij vendi.
Marrëdhëniet me PD-në janë marrëdhënie partnerësh, serioze, korrekte dhe bashkëpunuese në një aksion të rëndësishëm politik që synon të nxjerrë Shqipërinë nga lista e të treguarit me gisht si vendi i vetëm në Europë ku blihen dhe shiten votat”,tha Rama./ Opinion.al E.Xh.
