N/Kryetari i LSI-së, Luan Rama ka dalë para medias mesditën e sotme duke reaguar pas një lajmi të publikuar në media se LSI ndryshon qendrim dhe futet të zgjedhjet e Kavajës.
“Partia Lëvizja Socialiste për Integrim nuk do të marrë pjesë në zgjedhjet e Kavajës”, tha ai duke përgënjeshtruar lajmin. Sipas tij, një anëtar i LSI është paraqitur në KZAZ vetëm për të zhbllokuar procesin. Ndërsa i pyetur nëse do ta mbështesin kandidatin e PS ai tha se”përderisa nuk marrim pjesë nuk mbështesim asnjë kandidat”.
Sakaq ai u pyet nga gazetarët mbi një marrëveshje të mundshme PS-LSI që është arritur mbrëmë në darkën Rama-Meta.
Në këtë moment ka shpërthyer Luan Rama duke iu drejtuar gazetares me ton të lartë: Kush ua tha se ka një marrëveshje PS-LSI??
Në këtë mënyrë nr. 2 i LSI mohon të jetë rënë dakord mbrëmë edhe për një koalicion tjetër 4 vjeçar mes PS dhe LSI-së.
/Opinion.al
