Një ditë pas mitingut që Lëvizja Socialiste për Integrim, nënkryetari i kësaj force politike, Luan Rama, denoncoi një skandal që po ndodh sipas tij me administratën.
Në një konferencë për mediat, Rama tha se grupe njerëzit me argumentin e rremë se kryejnë kontrolle, kanë shkuar me fotografi në duar për të pushuar nga puna në administratën publike, personat që morën pjesë në mitingun që LSI mbajti mbrëmjen e djeshme në “Sheshin Nënë Tereza”.
Nga ana tjetër, nënkryetari i LSI-së i dërgoi një mesazh nga kjo konferencë të gjithë punonjësve të pushuar të administratës apo atyre që po ndihen nën presion politik, se me ardhjen në pushtet të LSI-së më 26 qershor të gjithë do të rikthehen në vendet e tyre të punës.
“Është ridimensionuar gjuetia e shtrigave përmes grupeve të kontrollit, por që janë gupe që shkojnë nëpër institucione me fotografi nëpër duar për të larguar nga puna punonjës dinjitoz të administratës vetëm se kanë qenë të pranishëm dje në mitingun e LSI. Kjo as na tremb as na frikëson. Na bën më të fortë. Një mesazh punonjësve që vetëm për hakmarrje politike do largohen, të mos kenë asnjë merak sepse më 26 qershor të gjithë do të kthehen në ven det e tyre të punës.” , u shpreh Luan Rama.
