N/Kryetari i LSI, Luan Rama nga selia e kësaj partie tha se Shijaku dhe Shëngjini nuk janë nën kontroll. Ai hodhi akuza të ashpra ndaj drejtorit të policisë Haki Çako që sipas LSI po u shërben bandave dhe jo zgjedhjeve të ndershme.
Drejtori i Përgjithshëm i Policisë është një person nën akuzë për shkepje të ligjit. Ai po zbaton urdhrat e grupeve kriminale. Ftoj qytetarët të jenë të shmangin incidentet dhe të votojnë.
Deklarata e Luan Ramës
Në disa zona zgjedhore në qarkun e Durrësit ka një përshkallëzim dhe rritje të ndërhyrjes së grupeve kriminale që ushtrojnë presion mbi votuesit në afërsi apo brenda qendrave të votimit. Më alarmante është situata në zonën e Shijakut e cila është totalisht jashtë kontrollit të strukturave të policisë së shtetit. Atje strukturat e policisë janë inekzistente, grupe të armatosura që lëvizin me mjete të blinduara dhe me targa false dhe me suport të spikatur të Rilindjes, vazhdojnë të ushtrojnë presion mbi qytetarët”.
Grupe të armatosura që lëvizin në zonat e votimi dhe policia nuk është e pranishme.
Gjithashtu, Rama tha se individë të spikatur të Rilindjes vazhdojnë të ushtrojnë presion mbi qytetarët.
“Ndërkohë në Lezhë grupe kriminale lëvizin lirë në zonat zgjedhore pa pasur aspak vëmendjen e strukturave të policisë së shteti të cilat nuk kanë komunikim ne Ministrinë e Brendshme. Ftoj qytetarët me përgjegjësi të shmangin rënien në provokime të grupeve kriminale dhe të vazhdojnë të marrin pjesë në votim,e pasi vota e tyre është ndëshkimi i parë. Njerëzit që i suportojnë këta kriminele do të përgjigjen një më një. Shqipëria nuk mund të jetë më vend i shenjtë i krimit dhe drogës.
Një drejtor i policisë është nën akuzë për veprën penale dhe shkelej të ligjit është nën urdhrat e grupeve kriminale kjo është dokumentuar dhe denoncuar. Edhe dokumentuar në Shijak dhe zona të tjera të vendit. Vota e qytetarëve është më e fortë sesa arma e krimineleve”.
