Anëtari i Komisionit të Rithemelimit, Luan Baçi ka deklaruar se Enkelejd Alibeaj nuk ka mbledhur firma të deputetëve për platformën e propozuar për bashkimin e demokratëve por thjesht ka zhvilluar biseda në parim me grupin parlamentar. Ai madje thekson se Alibeaj nuk i ka sqaruar deputetët për pikat e plota të platfornës së propozuar nag ai.
Ndër të tjera Baçi sjell shembullin e deputetes, Ilda Dhori, ku thotë që Alibeaj ia ka lexuar emrin sikur ka firmosur platformën e bashkimit, por sipas tij nuk është e vërtetë.
“Një platformë e zotit Alibeajt dhe jo e grupit të deputetëve. Pavarësisht se në opinion u tha se deputetët kanë firmosur një platformë të zotit Alibeaj, absolutisht nuk është asgjë e vërtetë. Zoti Alibeaj ka bërë biseda në parim me deputet duke mos u sqaruar pikat e plota të platformës së vet. Një ditë më vonë unë kam qenë me deputeten Ilda Dhori në një proces takimi ku bëhemi gati për zgjedhjet kreut të degës. Emri i Ilda Dhorit është lexuar nga Aliabj si firmëtare, por nuk është e vërtetë se Dhoria tha që ‘nuk e kam firmosur pasi në parim jam dakordësuar për një platformë bashkimi, por jo për pikat që janë aty’. Një nga pikat aty është ndalimi i procesit zgjedhor në fakt Dhori është pjesë e procesit zgjedhor, organizatore e procesit zgjedhor në Divjakë. E solla si shembull për të parë falsitetin e Alibeajt apo deputetëve që merren me këto lloj platformash që nuk janë aspak bashkuese, përçarëse për bazën e PD dhe e sigurt që nuk do e realizojnë dot përçarjen. Po të shikojmë edhe sot më Patos ku duhet të kishte ndikim platforma Alibeajt e ka zero ndikimin e saj për arsye se anëtarët janë këtu sot dhe votojnë për kreun e ri”, tha Baçi.
