Lëvizja Socialiste për Integrim ka reaguar për herë të parë për pajisjen e vogël përgjuese që u gjet në paradhomën e zyrës së ministrit të Brendshëm, Saimir Tahiri.
Kryetari i grupit parlamentar të LSI, Petrit Vasili duke folur nga selia e partisë, tha se kjo ngjarje është tepër e rëndë dhe personat përgjegjës të nxirren para ligjit.
“Bërja transparente e plotë, zbardhja e përgjegjësisë pa hezitim për këdo do të ishte përgjigjia më e mirë për këdo. Hetimi duht të zbulojë përgjegjësitë e gjithsecilit në një cështje të tillë kaq serioze pa dalluar kërkënd, qoftë ministër, zv/ministër etj, pavarësisht nga përkatësia politike që mund të ketë”, u shpreh kreu i grupit të LSI Petrit Vasili.
