LSI ka kundërshtuar sot projekt/ligjin e qeverisë për arsimin profesional. Ka qenë Kejdi Mehmetaj ajo votoi kundër në Komisionin Parlamentar të Medias.
“Ndryshimet që bëmë në projektligj, për ta kaluar arsimin profesional nga kompetenca e Ministrisë së Arsimit në kompetencë të Mirëqënies Sociale dhe Rinisë, na vërtetoi që asnjë ndryshim nuk ka, përveçse sjell një konfuzion në menaxhim”, deklaroi Mehmetaj.
Si kundërpërgjigje, deputeti socialist Fatmir Toçi tha se”ky problem është ngritur këtu, por ka një mekanizëm Kuvendi dhe një mekanizëm vote”.
Socialistët e votuan në grup reformën e re të propozuar nga qeveria Rama për arsimin profesional, që parashikon krijimin e Agjensisë Kombëtare të Punësimit dhe kthen shkollat profesionale në qendra multifunksionale për zanatet e reja të kërkuara në tregun e punës.
