LSI lë vetëm PS-në . Provë force?

LSI “provë force” në parlament. Edhe pse duken se ujrat mes dy kryetarëve të partive të koalicionit të majtë u qetësuan, sot sërish kanë dalë në skenë pakënaqësitë e vjetra. Ndërsa kryetari i Parlamentit dhe i LSI-së ka çelur seancën në praninë e shumë pak deputetëve e më vonë është larguar për shkak të problemeve me zërin, ka marrë “pas vetes” dhe grupin e deputetëve të partisë së tij. Gjatë pothuaj gjithë seancës së sotme, përfshirë dhe replikat e gjata dhe të ashpra të kryeministrit me deputetët e opozitës, asnjë nga deputetët e LSI nuk është parë jo të perfshihet ne debat,por ara kanë munguar dhe në sallë. Një pjesë e tyre kanë qenë ne ambjentet e sallës së kuvendit apo diku afër. Askush nuk dha nje sqarim të plotë për këtë mungesë, por mesa duket aleatët e qeverisë e kanë të vështirë tashmë të gjejnë gjuhën e përbashkët. A do të vazhdojë kjo “ngrirje” në marrdhëniet mes PS dhe LSI? A do të mundet Ilir Meta dhe Edi Rama të vijojnë bashkëpunimin e cënuar që pas zgjedhjeve lokale të qershorit? Gjithçka mbetet të qartësohet gjatë javëve në vazhdim, kur dhe disa projektligje do të kërkojnë votat e aleatëve për t’u miratuar