Sot po zhvillohet seanca e fundit plenare për këtë sesion, ku të pranishëm në sallën e Kuvendit janë vetëm deputetët e maxhorancës dhe ata të LSI-së, ndërsa deputetët e Partisë Demokratike nuk kanë mbërritur ende në parlament.
Që në fillim të seancës, LSI ka kërkuar ndërprerjen e saj me qëllim mbledhjen e grupit të saj parlamentar.
Përsa i përkey rendit të ditës, sot është parashikuar që të kalojnë në votim projektligji për statusin e prokurorëve dhe gjyqtarëve ose i njohur ndryshe si ligji i magjistratëve për të cilin mazhoranca kërkon konsensus pasi nevojiten 84 vota.
Por edhe pse deputetët e PD-së thuhet se do të marrin pjesë në Kuvend, ata nuk do të votojnë projektligjet e parashikuara në rendin e ditës, duke përfshirë këtu edhe projekligjin e magjistratëve.
