Sot është afati i fundit për subjektet politike që të regjistrohen në KQZ për zgjedhjet vendore të datës 13 tetor të dekretuara nga Presidenti Ilir Meta.
Partia Lëvizja Socialiste për Integrim ka dorëzuar kërkesën për regjistrim. Ajo mban firmën e sekretarit të përgjithshëm Endrit Braimllari. Kërkesa vjen pak ditë pasi u dorëzua kërkesa për të hapur procedurat për të mbajtur zgjedhjet në këtë datë.
Komisioni Qëndror i Zgjedhjeve nuk mundi ta zhvillojë mbledhjen për shqyrtimin e kërkesës së opozitës sepse nuk u mblodh kurumi i nevojshëm për nisjen e punimeve. Në mbledhje u paraqit vetë kryetari Klement Zguri ndërsa komisionerët e Partisë Socialiste nuk u paraqitën me arsyetimin se kishin marrë lejen e pushimeve.
Kujtojmë se data 13 tetor nuk njihet nga mazhoranca si datë zgjedhjesh ndërsa Presidenti ka theksuar se kjo është e vetmja datë e ligjshme e dekretuar prej tij. /Opinion.al
