Viktor Tushaj, një nga ish-kryebashkiakët e LSI-së ka marrë sot një detyrë të rëndësishme. Ai është emëruar nga forca e tij politike, si drejtor i Agjencisë Kombëtare të Burimeve Natyrore (AKBN). Ky vend mbeti vakant pasi javën e kaluar dha dorëheqjen Dael Dervishi, i cili e justifikoi me arsye personale.
Mësohet se emri i Viktor Tushajt ëshët firmosur nga ministri Gjiknuri për në postin e drejtorit të AKBN-së. Ai është prezantuar sot me stafin e AKBN-së.
Tushaj drejtoi për dy mandate rresht bashkinë e Lezhës dhe humbi në zgjedhjet e 2013-es. Ai njihet si një nga njerëzit e afërt dhe me mbështetje nga deputetja e zonës, Monika Kryemadhi. /Opinion.al
