Kryetarja e LSI-së Monika Kryemadhi, është shprehur pasditen e sotme se deklaroi se në takimet që ka zhvilluar sëfundmi në qytetet e vendit ka vënë re se njerëzit ndihen të zhgënjyer nga qeverisja aktuale.
Kryemadhi theksoi se LSI e mban fjalën, teksa ka shtuar se edhe vetë socialistët ndihen tërësisht të zhgënjyer nga Rilindja.
“Njerëzit po reagojnë, ata janë jo vetëm pozitivë, por janë edhe të revoltuar për faktin sesi po drejton sot qeverisja. Kam qenë në Elbasan, Korçë, Fier, Lushnjë, zona të Tiranës, kudo dhe takimet e mia janë me strukturat e PS-së, sepse kemi përfunduar procesin e konfirmimit të votës.
Socialistët ndihen të zhgënjyer dhe të përdorur. Njerëzit nuk shohin më bindjen politike, por shikojnë autoritetin e kandidatit që ata do i përfaqësojë. Pika më e fortë e LSI është mbajtja e fjalës dhe qëndrimi pranë njerëzve. Rilindja ka marrë pushtetin e socialistëve dhe vepron për xhepat e pesë njerëzve. LSI është e vetmja forcë politike që ka një prodhimtari të jashtëzakonshme të brezave politikanë”, u shpreh Kryemadhi në News 24./Opinion.al
