Lëvizja Socialiste për Integrim dega Durrës akuzon Arbër Kokën, djalin e Lefter Kokës se kontakton dhe kërcënon mbështetësit e LSI.
Më herët kandidatja për deputete Elona Guri pati me një person dhe ngjarja përfundoi në polici, pasi sipas saj, në zyrat e LSI janë zbuluar kamera përgjimi që monitoronin ambientet e kësaj force politike.
Për këtë gjë, LSI e ka denoncuar djalin e Lefter Kokës dhe pronarin e ambientit ku ishte strehuar serveri dhe kabujt e kamerave të përgjimit.
Deklarata e plotë
Duke marrë shkas nga transformimi i ngjarjes të skandalit më të paprecedentë në procesin zgjedhor në 30 vitet e fundit, dhe keq-informimit dashakeq nga Policia e Shtetit, e cila e shtyrë dhe e ndikuar politikisht fsheh të vërtetën e hidhur po ju sqarojmë si më poshtë: Gjetja e pajisjeve përgjuese dhe kamerave në zyrën qendrore të LSI Durrës.
Drejtuesit e LSI Durrës kanë zbuluar kamera përgjimi që monitoronin e përgjonin Zyrën e LSI Durrës. Dyshimi lindi pasi të gjithë qytetarët e thjeshtë që shkonin në këtë zyrë kontaktoheshin, intimidoheshin dhe kërcënoheshin me vendin e punës ose presione të tjera nga Arbër Koka, djali i Lefter Kokës, apo anëtarë të shtabit elektoral të tij. U zbuluan kamerat dhe serverat me regjistrime. U njoftuan autoritetet dhe prezente fizikisht në Komisariatin e Policisë në Durrës, drejtuesja politike e LSI Durrës dhe kandidatja e LSI për Durrësin, znj. Elona Guri denoncoi Arbër Koka, djalin e Lefter Kokës si autor të këtij skandali dhe pronarin e ambientit ku ishte strehuar serveri dhe kabujt e kamerave të përgjimit.
LSI Durrës./Opinion.al
