Tragjedia e portierit të një skuadre nga Iraku, ka përshkruar botën e futbollit. Alaa Ahmed edhe pse ka humbur djalin, ka gjetur forcën që një ditë pas të gjendet në fushë për t’i ndihmuar skuadrën së tij në një ndeshje shumë të rëndësishme.
Djali i Alaa Ahmed vdiq të enjten, por portieri këtë lajm nuk ia ka bërë të ditur askujt, madje as shokëve të skuadrës apo trajnerit.
Përkundrazi, ai u pa në fushë si zakonisht për t’u paraqitur në barazimin e skuadrës së tij Naft Maysan ndaj Al-Shorta ditën e premte.
Pas fishkëllimës së fundit të gjyqtarit, portieri nuk gjeti më forcën për t’i kontrolluar emcoiaone, duke shpërthyer në lot, e për t’u ngushëlluar pastaj nga gjithë shokët e skuadrës.
Histori të tilla emocionuese di të dhurojë vetëm futbolli, për të treguar më së mirë mesazhin që përçon kjo lojë, dhe forcën që kanë akterët e këtij sporti që është më i popullarizuar në botë.
Në nëntor të vitit të kaluar, futbollisti amerikan Marquise Goodwin luajti një ndeshje dhe shënoi gol pavarësisht se disa orë më parë kishte humbur fëmijën e porsalindur./Lajmi.net/
