Ajo ka arritur të kthehet në një personazh mediatik duke kapur shpesh faqet e rubrikave të shoë bizzit. Jo shumë e pranishme në ekran, këtë radhë Lori Hoxha ka pranuar të bëhet personazh në televizionin që familja e saj drejton. Së bashku me motrën më të vogël Sarën, ajo ka qenë e ftuar në programin “Shiko Kush LUAN”, të moderuar nga Luana Vjollca.
Një nga pyetjet që motra e saj i ka drejtuar Lorit, lidhej me largimet nga Top Channel. Kemi parasysh se së fundi disa prej figurave të këtij ekrani tashmë kanë ikur, ndërsa përfliten për të tjera lëvizje.
“Çdo largim i personazheve nga Top-i ka bërë bujë mediatike, na thuaj një emër që Top-i do të dëshironte sërish ta kishte”, ka pyetur Sara.
“Nuk di të ta them, sepse Top-i nuk jam vetëm unë. Kam përshtypjen se çdo njeri që është larguar, është larguar sepse ka kërkuar vendin që meriton dhe e ka vendin që meriton sot. Top-i bëhet nga ata njerëz që ka, jo nga ata që kanë ikur. Një njeri që i mungon Top-it është Dritan Hoxha, e askush tjetër”, është përgjigjur Lori.
