Gazetari dhe analisti Lorenc Vangjeli, këtë të martë në emisionin Opinion tha se kokaina që u zbulua në kontenierët me banane nuk ishte surprizë. Sipas tij kjo gjë përflitej prej të paktën 2 javësh.
“Kishte të paktën 2 javë që në Durrës flitej që po bëhej një operacion dhe pritej të vinte një kontenier i ngarkuar me drogë. Kishte dy javë që lajmërohej ky lajm”, tha gazetari.
“Është shumë normale dhe shumë logjike, këta njerëz që shkuan të merrnin kokainën dhe ta tërhiqnin, e provojnë në makinë se çfarë ishte. Sepse është normale, kështu ndodh, mjafton të shikosh vetëm një herë një film edhe e kupton kaq gjë, është kaq e thjeshtë. Nga momenti që kuptuan që bëhej fjalë për tjetër gjë dhe jo për kokainën e tyre, u kuptua që diçka nuk shkonte në këtë histori. Dhe tani ta marr prap këtë histori nga e kundërta, nuk janë kapur porositësit dhe financuesit, po është normale. Nuk do të shkojë ai që paguan, atë sasi prej disa miliona eurosh, nuk është ai që shkon dhe hyn atje”, tha më tej Lorenc Vangjeli.
Po ashtu ai hodhi dhe dyshime se kush qëndron në vendin e nisjes së lëndës narkotike./ Opinion.al
