Analisti Lorenc Vangjeli jep një tjetër version për zgjidhjen e krizës. Në emisionin Opinion ai tha se zgjedhjet e 30 qershorit mund të mos bëhen. Ai shkon dhe më tej, duke treguar se çfarë ndodh nëse zgjedhjet zhvillohen.
Lorenc Vangjeli: Unë dyshoj se zgjedhjet e 30 qershorit do të bëhen. Edhe nëse bëhen, PS do të marrë 4/5 e Bashkive dhe do futet sërish në zgjedhje. Ajo që shikohet në rrugë që thonë sa më keq aq më mirë. Vjeshta pastaj mund të jetë pjesë e zgjidhjes politike për të futur opozitën në institucione qoftë dhe me zgjedhje të parakohshme.
Sipas gazetarit Mentor Kikia, tani është koha që kryeministri Edi Rama të bëjë lëvizjen e tij në lidhje me krizën politike.
Mentor Kikia: Nuk ka reflektim nga qeveria, për këtë situatë. Por ka një lloj ironie, dhe mos habitemi që shikojmë mullarë që digjen e pastaj themi kush do vijnë amerikanët apo europianët.
Mark Marku: Kjo do një zgjidhje politike, ajo që është parë deri tani është një testim force. Opozita deri tani nuk ka dashur të hyjë me forcë në institucione, se futeshin për 30 sekonda. /Opinion.al
