Në disa zona të Londrës, temperaturat i kanë kaluar 29 gradë Celsius ditën e sotme, duke e bërë atë ditën më të nxehtë të prillit në 70 vitet e fundit.
Moti jashtëzakonisht i ngrohtë në gjithë Mbretërinë e Bashkuar është rezultat i presionit të ulët mbi Atlantik dhe i presionit të lartë mbi Evropën Perëndimore.
Shërbimi Meteorologjik regjistroi temperaturën prej 29.1 C në Parkun St James në qendër të Londrës.
Kjo thuhet të jetë dita më e nxehtë në Mbretërinë e Bashkuar në prill qysh në vitin 1949.
