Sekretari britanik i Transportit, Grant Shapps, u shpreh se Londra, si qendër kryesore botërore financiare, nuk është vendi për të pastruar paratë ruse.
Në një raport të botuar të martën, Komiteti i inteligjencës dhe sigurisë së parlamentit britanik tha se Londra ishte bërë një destinacion veçanërisht i favorshëm për oligarkët rusë dhe paratë e tyre, duke iu referuar vendit si “lavatriçe”.
“Është shumë e rëndësishme që emri i mirë i Londrës, kur është fjala për legjislacionin e pastrimit të parave, të ruhet”, tha Shapps për BBC.
Në raportin e komitetit parlamentar gjithashtu kritikohet qeveria për dështim në hetimin e ndërhyrjes ruse, gjatë referendumit të vitit 2016, pavarësisht informacioneve”të besueshme” që tregonin se Moska, dy vjet më parë, kishte provuar të përzihej në referendumin për pavarësinë e Skocisë.
Pastrimi i parave është proces, përmes së cilit, grupet kriminale gjejnë mënyra për të legjitimuar paratë e fituara në mënyrë të paligjshme, duke fshehur burimin e tyre./Opinion.al
