Luca Di Nicola një kuzhiner italian ka vdekur në Londër në moshën 19-vjeçare, i kuruar për grip, por pa ju bërë kurrë tampni. Kështu shkruan “La Repubblica”, që citon familjarët e indinjuar të të riut, të cilët thonë se një javë para se të vdiste ai kishte patur kollë dhe temperaturë. Rasti i tij është gjithnjë e më misterioz. Luca ishte me origjinë nga një provincë në Teramo dhe prej disa vitesh jetonte në Londër me nënën e tij Clarissa dhe partnerin e saj, Vincenzo.
Ai vdiq në kryeqytetin britanik më 24 mars, pas një pulmoniti të vrullshëm. Por familja e tij, edhe pse e rrënuar nga dhimbja, sepse ai ishte një djalë i shëndetshëm, dyshon se bëhet fjalë për Covid-19.
Në një lidhje telefonike për gazetën italiane, halla e tij Giada, banore në Abruzzo ka thënë: “Përgjatë një jave para se të vdiste ai kishte ethe dhe temperaturë. Po kështu edhe e ëma dhe partneri i saj. I thanë që ishte grip dhe mjeku që e vizitoi i dha paracetamol. Por Luca u rëndua më 23 Mars. Mjeku i kishte thënë që ai ishte i ri dhe nuk duhej të shqetësohej nga një grip. Të nesërmen situata u përkeqësua. Ai kishte dhimbje në gjoks. E ëma vuri re se i kishtë buzët violë dhe më pas kolapsoi. Morën ambulancën, e reanimuan, por mushkëritë kishin mbaruar. Mbushur me gjak dhe ujë. E intubuan dhe e futën në terapinë intensive në një nga spitalet në veri të Londrës. Por pas gjysmë ore ai vdiq. Pa arritur të kryente më parë as një tampon”.
Që Luca të ketë vdekur nga koronavirusi mbetet ende një dyshim. “Autoritetet angleze na thanë se mund të bëjnë një tampon pas vdekjes dhe ndoshta tashmë më 31 Mars”, tregon Romina halla tjetër e viktimës./Opinion.al
