Detaje të reja janë bërë të ditura rreth arrestimit të 4 personave në Fier, mes tyre dhe polici Lorenc Gropa.
Mësohet se ata e kryenin aktivitetin kriminal prej disa muajsh në një lokal në Patos, i cili ishte në pronësi të policit, por menaxhohej nga kushëriri i tij.
Ky i fundit, ishte personi “kyç” që merrej me shitjen e lëndës narkotike.
Agjentët e AMP kanë kryer disa herë blerje në lokal, duke u kamufluar si klientë. Dy muajt e fundit, lokalin mësohet se ia kishin dhënë me qira një tjetër personi. Rastësisht është zbuluar trafiku i armëve, pasi në celularin e babait të policit janë gjetur komunikime me Skerdilajd Levendin për të dërguar armë në Greqi.
Kujtojmë në pranga janë vënë: Lorenc Gropën, Klevis e Ledjon Gropën, si dhe Skerdilajd Levendin.
