Diego Forlan ka njoftuar se është tërhequr përfundimisht nga futbolli aktiv. Lajmi u bë i ditur nga vet lojtari, i cili shtoi se tani është koha që të nis një sfidë të re.
“Pas 21 viteve vendosa t’i jap fund karrierës si futbollist profesionist. Tani për mua do të nisë një sfidë e re”, ishin fjalët e 40-vjeçarit.
Kujtojmë se në vitin 2010 Diego Forlan u vlerësua si “Lojtari më i Mirë” i Kupës së Botës, duke ndihmuar Uruguajin të pozicionohej në vendin e katërt. Po ashtu, në atë kohë ai u shpall edhe golashënuesi më i mirë i turneut./ Opinion.al E.Xh.
