Aktori i famshëm i serialit “Squid Game”, Oh Youngsoo po përballet me akuza për ngacmim seksual.
Mediat e huaja shkruajnë se ndaj aktorit u ngrit akuza për ngacmim seksual të ndodhur në vitin 2017, ku sipas prokurorisë së qarkut Sowon në Seongnam, preku në mënyrë të papërshtatshme trupin e një gruaje kundër vullnetit të saj.
Viktima e raportoi incidentin në polici në dhjetor të vitit 2021, por çështja u mbyll në prill pa akuza të mëtejshme kundër Youngsoo.
Ndërkohë, Prokuroria rifilloi hetimet pas ankimimit të viktimës.
Aktori fitues i çmimit Golden Globe i mohoi akuzat, duke thënë se ai “thjesht e mbajti dorën e saj për të udhëhequr rrugën rreth liqenit”.
Ndër të tjera, mediat e huaja shkruajnë se aktori i kishte kërkuar falje gruas, por duke theksuar se kjo nuk do të thoshte që pranonte akuzat.
Prokuroria tha se ka marrë prova për ngacmim dhe do ta çojë çështjen në gjyq.
Oh u bë i famshëm pasi luajti në lojën Squid të Netflix si Lojtari 001 ose Oh Ilnam. Me këtë rol, ai fitoi çmimin për aktorin më të mirë në rol dytësor në Golden Globes të 79-të. Ai ishte aktori i parë korean që mori çmimin prestigjioz për këtë rol./Opinion.al
