Shqipëria dhe Spanja luajnë nesër në orën 21:00 për ndeshjen e tretë dhe të fundit në Grupin B të Euro 2024. Iberikët me gjashtë pikë tanimë janë të kualifikuar dhe kuqezinjtë tanë kërkojnë tri pikët historike për të kaluar në fazën e 1/8.
Nga stadiumi ku do luhet ndeshja, trajneri Sylvinho dhe kapiteni Berat Gjimshiti folën për mediat. Trajneri i kombëtares u shpreh se skuadra do japë maksimumin në fushë, në mënyrë që të kualifikohet.
Ai ka vlerësuar lojtarët e kombëtares duke thënë se kanë guxim në fushë dhe se nuk dorëzohen lehtë përball kundërshtarit.
“Spanja ka lojtarë të shpejtë, ka lojtarë të mrië në krah apo në qendër. Ata lejojnë shumë pak hapësira. Bëhet fjalë për një rival të organizuar. De la Fuente ka bërë një punë të mrekulleshme. Ata mbrohen dhe sulmojnë mirë. Gjatë kualifikueseve kanë humbur vetëm një ndeshje, atë ndaj Skocisë. Lojtarët e mi kanë guxim, ne do të futemi në fushë për të dhënë maksimumin. Çdo gjë mund të ndodhë, ne do të shkojmë në fushë për të luajtur- tha Sylvinho.
