Një 25-vjeçar është arrestuar nga policia e Dibrës, pasi në bodrumin e një apartamenti të marrë me qira prej tij u sekuestruan 17 kompjuterë për lojëra fati, çipsa dhe aksesorë të tjerë që shërbenin për të ushtruar këtë veprimtari të kundraligjshme.
Po ashtu, i riu u konstatua se kishte bërë lidhje të paligjshme të energjisë elektrike. Materialet hetimore do t’i referon Prokurorisë Dibër për veprime të mëtejshme.
Policia sqaron se kontrollet do të vijojnë në qarkun e Dibrës, ndërsa ata persona që ushtrojnë këtë veprimtari të kundraligjshme do të dënohen./ Opinion.al E.Xh.
