Video-loja Pokemon Go është duke arritur shumë popullaritet nëpër tregjet e lojërave. Aplikacioni siguroi 50 milionë shkarkime vetëm në javën e parë të prezantimit, ndërsa këtë javë aplikacioni arriti një tjetër sukses.
Pokemon Go ka arritur 100 milionë shkarkime në Google Play Store kurse ende nuk ka shifër zyrtare për shkarkimet në iOS App Store. Raportohet se ky aplikacion mund të fitojë 3 miliardë dollarë në Apple gjatë viteve të ardhshme, nëse vazhdon të rritet si tani.
Gjithashtu raportohet se loja ka 21 milionë përdorues aktivë në Amerikë, duke u bërë aplikacioni më popullor në SHBA.
Loja mund të shkarkohet në Android dhe iOS.
