TIRANE- Pak orë pasi sekretari i Përgjithshëm i LSI, Luan Rama doli në foltoren e kësaj partie dhe kritikoi ashpër Qeverinë për ekonominë, nënkryetari i LSI, Petrit Vasili del dhe zbut tonet me Qeverinë.
Ai thotë se qendrimi i Luan Ramës ka qenë personal dhe jo në emër të partisë. Kjo në fakt duket si një lojë ngriva-shkriva e LSI me Edi Ramën.
“Qëndrimi i z. Luan Rama lidhur me raportin e Fondit Monetar Ndërkombëtar nuk është një qëndrim zyrtar i Lëvizjes Socialiste për Integrim. Është një lexim individual i tij i këtij raporti. Bashkëpunimi konstruktiv me FMNnë është me rëndësi për vazhdimin me sukses të
reformave të nisura”, sqaroi Vasili.
Ndërsa Luan Rama, kishte deklaruar se ” “Sa herë që qeveria shqiptare nuk e ka konsideruar me seriozitet qëndrimin e FMN jemi ndeshur me fenomene krizash, apo situata të pakëndshme të zhvillimit ekonomik. Të
reflektojë me seriozitet, përgjegjshmëri, të lexojë në mënyrë të drejt për drejtë siç është shkruar raporti, dhe më lejoni të them që nuk e teproj, madje duhet lexuar më me seriozitet dhe konsistencë ndoshta dhe se sa rekomandimet e Komisionit të Venecias”.
