Që prej datës 18 tetor të gjithë shqiptarët mund të aplikojnë për Lotarinë Amerikane. Por a do të jenë korçarët të preferuarit edhe ketë vit? Këtë e ka hedhur poshtë Ambasada Amerikane, pasi në një postim të fundit ka trefuar se shanset janë të barabarta për këdo.
Por cilat janë gabimet që duhen shmangur gjatë aplikimit?
Mos harroni që çdo vit duhet të keni forografi të re. Mos e përdorni fotografinë që e keni përdorur më parë dhe hiqni syzet, sepse këta janë dy faktorë skualifikues.
Nëse aplikoni më shumë se një herë për të rritur shanset, në fakt është faktor skualifikues. Të tjerë faktorë që duhet të dini është se cilët anëtarë të familjes duhet të përfshini në aplikim. Ju duhet të përfshini bashkëshortin ose bashkëshorten dhe çdo fëmijë deri në 21 vjeç në momentin e aplikimit. Pra në ditën e aplikimit, fëmija duhet të jetë deri në 21 vjeç dhe i pamartuar.
