Një ditë pasi ministrja e Mbrojtjes Olta Xhaccka, u premtoi banorëve të Peshkopisë, anullimin e vendimit për dhënien me konceision të llixhave, sot Komisioni i Basenit Ujor Drin-Bunë në Prefekturën e Shkodrës, ka anulluar lejen e dhënë në muajin dhjetor, me qëllim shfrytëzimin e ujërave termale në Dibër.
Vendimi ishte marrë në datën 11 dhjetor 2018, me qëllim dhënien për shfrytëzim të ujrave termale në Dibër.
Ministrja Xhaccka, u shpreh dje se vendimi ishte marrë në formë abuzive nga Komisioni i Basenit.
“Me prefekturën dhe bashkinë nuk janë konsultuar për këtë vendim. Vendimi, i marrë në mungesë të plotë transparence dhe abuziv. Përfaqësuesit e qeverisë në atë këshill janë përballur me faktin e kryer dhe kanë debatuar kundër vendimit. Nga hetimi administrativ që ka bërë zyra e kryeministrit, vendimi do të anulohet. Përgjegjësit e këtij vendimi do të marrin përgjegjësi”- tha Xhaçka dje. D.l
