Ditën e djeshme ministri i Brendshëm, Sandër Lleshaj u përfshi në një debat me banorët dhe një inxhinier për gjendjen e një pallati 12 katësh në Lezhë, i cili u dëmtua nga tërmeti tragjik i 26 nëntorit.
Lleshaj tha se pallati nuk ka dëme të rënda dhe se banorët janë të sigurt, ndërsa akuzoi inxhinierin se po përhapte panik tek qytetarët.
Ndërkohë, lidhur me këtë rast, ka reaguar zëdhënësja e Partisë Demokratike, Ina Zhupa ka publikuar foto nga pallati në Lezhë. Siç shihet nga fotot e publikuara nga Zhupa, pallati ka pësuar dëmtime të konsiderueshme, gjë e cila ka ngjallur fikë tek banorët.
Në reagimin e saj, Ina Zhupa thotë se Lleshaj në mënyrë të papërgjegjshme ulërinte ndaj inxhinierëve, ndërsa nuk kursen as “ironinë therëse” ndaj drejtuesit të Ministrisë së Brendshme.
Postimi i Ina Zhupës:
“Kjo është gjendja e pallatit 12 katësh në Lezhë që Sandër Lleshaj guxonte në menyrë të papërgjegjshme të jepte mend edhe ti ulëriste banorëve edhe inxhinierit duke e konsideruar prishje normale. Kriminale si e gjithë sjellja e tij në krye të ministrisë së brendshme. Shyqyr që nuk i hodhi gaz helmues për ti shpërndarë!”, shkruan Zhupa.
