Ministri Lleshaj i ka dedikuar sot një status vajzës së një polici të rënë në krye të detyrës. Në llogarinë e tij të Facebook-ut, Lleshaj ka publikuar një foto të vajzës 10 vjeçare dhe e i ka bërë një urim ditëlindjeje.
“Sot ka ditëlindjen një vajzë shembullore, Sonja Lika. Ajo është bija e një heroi të Shqipërisë, Roland Lika, ish-punonjës ai Policisë së Shtetit që dha jetën në luftë me krimin,” shkruan ai.
Ministri Lleshaj i ka përzjellë urime të përzemërta në emër të tij, bashkëpunëtorëve në ministri dhe trupës së Policisë së Shtetit.
Oficeri Roland Lika u vra në 18 tetor 2010 në Vlorë. Nën akuzë ishin tre të dyshuar. Sipas prokurorisë, oficeri kishte evidentuar tre personat të cilët kishin qëllim të vidhnin. Pasi mori informacione personale mbi ta, oficeri bëri një telefonatë, porn ë atë moment u qëllua befasisht./E.L
