Ministri i Brendshëm Sandër Lleshaj ka reaguar pas deklaratave të Kryetarit të Partisë Demokratike Lulzim Basha:
“Lulzim Basha është përgjegjës për çdo individ që aktivizon kundër ligjit dhe lirive politike në vend! Pengimi i subjekteve zgjedhore dhe përdorimi i lëndëve plasëse, kundër atyre dhe forcave të rendit janë vepra penale. Askush nuk do të tolerohet. Kush u përgjigjet thirrjeve për paligjshmëri, do të përballet me ligjin!,”- u shpreh ministri në Twitter.
Më herët Basha u shpreh në një konferencë urgjente për mediat lidhur me zyrtarët e Partisë Demokratike në arrestuar në Librazhd për protestën e datës 13 qershor.
“Në këtë aventurë të rrezikshme, Edi Rama ndihmohet nga dy vegla të paskrupullta, Sandër Lleshi dhe Arta Marku, të cilët e kanë kthyer policinë dhe prokurorinë në instrumenta të represionit politik në shërbim të pushtetit personal dhe të korruptuar të Edi Ramës,”– u shpreh Basha. Gjithashtu ai i bëri thirrje policëve dhe prokurorëve të mos i binden pushtetit./Opinion.al/
