Ministri I Brendshëm Sandër Lleshaj, ka dalë pak më minuta më parë për të dhënë detaje mbi vetëdorëzimin e Klement Balilit në Polici ditën e sotme.
Ministri Lleshaj tha se Balili nuk është vetëdorëzuar, por I është përgjigjur presionit të vazhdueshëm të Policisë dhe partnerëve të saj.
“Kurrë nuk mund të ketë një dorëzim vullnetar. Ky është process i një operacioni të gjatë dhe të ndërlikuar që ka ardhur si ushtrim I presionit të vazhdueshëm që Policia dhe partnerët e saj kanë ushtruar ndaj personit në fjalë që të vetëdorëzohej”, tha Lleshaj.
Më tej Ministri Lleshaj dha edhe një deklaratë të fortë politike kundrejt krimit
“Policia shqiptare merr në duart e saj një prej personave më të kërkuar në Shqipëri ndërsa qytetaret dhe partnerët marrin një lajm shumë të qartë për Shqipërinë që duam. Arrestimi është një mesazh që policia është e gatshme për të kaluar në një fazë të re në luftën kundër krimit”, tha Lleshaj.
/Opinion.al
